काबुल आक्रमणमा परि मृत्यु हुनेको सङ्ख्या १ सय ७५ पुग्यो
अफगानिस्तानको राजधानी काबुलस्थित विमानस्थलमा भएको आत्मघाती आक्रमणमा परि मृत्यु हुनेको सङ्ख्या १ सय ७५ पुगेको छ । काबुलस्थित हामिद कारजाई अन्तर्राष्ट्रिय विमानस्थलको एबी ढोका र ब्यारेन होटलमाथि बम बिस्फोट हुँदा हालसम्म १ सय ७५ जनाको मृत्यु भएको अन्तर्राष्ट्रिय सञ्चार माध्यमहरुले जनाएका छन् । घटनामा दर्जनौं घाइते भएका छन् । यसैबीच, अमेरिकी पेन्टागन कार्यालयका प्रवक्ता जन किर्बीले काबुलमा फेरि आत्मघाति आक्रमण हुन सक्ने भन्दै चेतावनी दिनुभएको छ । उहाँका अनुसार हालसम्म ५ हजारभन्दा बढी अमेरिकी नागरिकलाई काबुलबाट सुरक्षित निकालिएको छ भने १ लाख १० हजार मानिसलाई हवाई उद्दार गरिएको छ । अझैपनि ५ हजार नागरिक काबुलमै रहेका छन् ।
१२ भाद्र २०७८, शनिबार ०४:०६ मा प्रकाशित