लकडाउनपछि अस्पतालमा विरामीको उपचारमा हेलचेक्रयाई गर्नेमाथि छानविन सुरु
नेपाल मेडिकल काउन्सिलले लकडाउनपछि अस्पतालमा विरामीको उपचारमा हेलचेक्रयाई गर्नेमाथि छानविन सुरु गरेको छ । कोभिड १९ को आशंकाका भरमा अन्य विरामीको समेत न्युनतम उपचार नगरेर अन्यत्र पठाउने गरेको भन्ने समाचार आएपछि काउन्सिलले छानविन थालेको हो । कोभिड १९ विरुद्धको लडाईमा स्वास्थ्कर्मी, स्वास्थ्य संस्था र स्वास्थ्य मन्त्रालय मातहतका निकायको निर्णायक भुमिका रहनुपर्ने काउन्सिकका रजिष्टार डाक्टर कृष्ण अधिकारीले सीआइएनसँग बताउनुभयो । काउन्सिलले चिकित्सकलाई निर्देशिका अनुसारको सुरक्षाकवचको प्रयोग गर्दै विरामीको उपचारमा सरिक हुन अपिल गरेको छ । अस्पतालमा आकस्मिक उपचारमा ढिलाइ नगर्न तथा कोभिड १९ का लागि नतोकिएका अस्पतालले कोभिड १९ बाहेक अन्य रोगीको जरुरी सेवा यथावत सञ्चालन गर्न पनि काउन्सिनलले निर्देशन दिएको छ ।
२१ चैत्र २०७६, शुक्रबार ०४:३० मा प्रकाशित