झापामा अनुदानको प्रलोभन देखाएर कृषककाे २० लाखभन्दा बढी ठगी

ZEN Travels

झापा ,२२ असोज।

कृषि अनुदान उपलब्ध गराइदिने लोभमा पारेरा एक जनाले कृषकबाट २० लाखभन्दा बढी ठगी गरेकोे छ ।

इलाम घर बताउने विनोद राईले डेनमार्क सरकारबाट प्राप्त कृषि अनुदानको प्रलोभन देखाएर रोङ गाउँपालिका र सूर्योदय नगरपालिकाका २८ जना कृषकबाट उक्त रकम ठगी गरेको इलाका प्रहरी कार्यालय अनारमनीका प्रहरी निरीक्षक ज्ञानबहादुर विष्टले जनाकारी दिए ।

‘कृषकलाई बंगुरपालन, कुखुरापालन, गाईपालन, अलैँची खेती लगायतका शीर्षकमा अनुदान मिलाइदिन्छु भन्दै ठगी गरेको उजुरी परेको छ,’ प्रनि विष्टले भने, ‘मोटो रकमको प्रलोभन देखाएर ठगी गरेको पाइएको छ ।’

पीडक विनोद राईले आफ्नो नाम, ठेगाना गलत बताएको पनि उनले बताए । ‘हामीले पीडक राईको परिचयपत्र फेला पारेका छौँ’ प्रहरी निरीक्षक विष्टले भने, ‘अनुसन्धान भइरहेको छ, छिट्टै दोषी समातिन्छ ।’

घटना विवरणअनुसार गत शुक्रबार विर्तामोडमा कृषकलाई बोलाएर प्रतिव्यक्ति २० हजारदेखि एक लाख लिएर फरार भएको पीडित पुरन राईले बताए ।

विनोदले आफूहरुलाई विश्वासमा लिएर ठगी गरेको बताउँदै उनले भने, ‘डेनमार्क सरकारले अनुदान दिन्छ भनेर राम्रो कृषकको खोजी गर्दै विनोदले एक महिनासम्म लगातार आएर अलैँचीे बिरुवाको उचाइ, गोलाइ नाप्ने गरेको थियो । हामी विश्वासमा पर्र्यौं, मान्छे ठग रहेछ थाहै पाएनौं ।’

कृषि उत्पादनको बृहत् योजना बाँड्दै बसेका राईले अनुदानका लागि आफैँले अशायपत्र (प्रपोजल) समेत बनाइदिएका थिए । त्यसवापत हरेक किसानबाट ५०० शुल्क लिएको पीडित पुरनले बताउनुभयो । अशायपत्र स्वीकृत पाएका किसानले तीन प्याकेजमा तीन लाख, छ लाख र १२ लाख अनुदान पाउने आश्वासन पाएको पीडितको भनाइ छ ।

पलपलमा अपडेट थाहा पाउन तल लाईक गर्नुहोला

यसमा तपाइको प्रतिक्रिया लेख्नुहोला