नेकपाको पनि अव छायाँ सरकार

ZEN Travels

काठमाडौँ–

पार्टी विधान कार्यान्वयनका लागि परिपूरक मानिने नियमावलीमा नेपाल कम्युनिस्ट पार्टी (नेकपा) ले छायाँ सरकारको परिकल्पना गरेको छ ।

यद्यपि लोकतन्त्रान्त्रिक अभ्यासमा विपक्षीले यस्तो सरकारको परिकल्पना गरेको हुन्छ ।

विपक्षी काङ्ग्रेसले पनि छायाँ सरकार बनाउने निर्णय गरिसकेको छ ।

नेकपाको नियमावलीमा ३२ वटा केन्द्रीय विभागको परिकल्पना छ ।

धेरै विभाग सरकारको मन्त्रालयसँग मिल्ने नामसहितका छन् ।

मन्त्रालयसँग मिल्ने नामसहितका विभागको काम पनि मन्त्रालयकै जस्तै छ ।

यद्यपि यसमा बजेटको पाटो चाहिँ समेटिएको छैन ।

‘विभागहरू यस किसिमले छायाँ सरकारजस्ता देखिन्छन् । यसले मन्त्रालयको कामको मूल्याङ्कन गर्नेतहसम्म ठीकै होला । हस्तक्षेप नै गर्न थाल्यो भने जटिलता देखिन सक्छ ।’ नेकपाको स्थायी समिति सदस्यसमेत रहेका एक मन्त्रीले रातोपाटीसँग भने, ‘क्षेत्राधिकारमा समस्या नहोस् भनेर आगामी स्थायी कमिटी बैठकमा पार्टी हेडक्वाटरलाई नोटिस गराइनेछ ।’

विगतका कम्युनिस्ट पार्टीका सरकार गठन हुँदा सरकार सञ्चालनका लागि भनेर पार्टीले सीमित नेताहरूको भिन्दै संयन्त्र बनाउने गरेको थियो ।

यसपालि नेकपाले यस्तो संयन्त्र चाहिँ बनाएको छैन ।

नेकपाका मन्त्रीहरूबीच अहिले समन्वयको अभाव देखिएको छ ।

नियमावलीमा विभागहरूको काम कर्तव्य र अधिकार उल्लेख छ ।

अधिकांश  विभागहरूले मन्त्रालयका काममा समन्वयात्मक भूमिका खेल्नेछन् ।

केन्द्रीय विभागमा पदाधिकारीसहित बढीमा ३५ जना, प्रदेशमा १५ र स्थानीयमा ११ जना सदस्य रहने प्रस्ताव नियमावलीमा उल्लेख छ ।

केन्द्रीय  विभागका  सदस्यको  मर्यादा  जिल्ला  कमिटीका  सदस्यसरह हुनेछ ।

त्यस्तै प्रदेश  विभागका  सदस्यको  मर्यादा प्रतिनिधिसभा निर्वाचन क्षेत्र समन्वय कमिटीका सदस्यसरह र जिल्ला विभागका सदस्यको मर्यादा प्रदेशसभा निर्वाचन क्षेत्र समन्वय कमिटीका सदस्यसरह हुनेछ ।

विभागहरूले  सम्बन्धित  पार्टी  कमिटीको  अङ्गका  रूपमा  रही  नीति  एवम्   योजना  निर्माण  र  कार्यान्वयनमा सहयोग  गर्नेछन्   ।

विभागहरूका अधिकांश काम कर्तव्य र अधिकार राज्यका मन्त्रालयसँग मिल्दाजुल्दा छन् ।

विभागहरूले मन्त्रालयका काममा समन्वयात्मक भूमिका खेल्दै कमिटीले निर्देशन गरे निगरानी समेत गर्न सक्नेछन् ।

राष्ट्रिय हित सुरक्षा, वैदेशिक मामला, संवैधानिक तथा राजकीय मामला, सङ्घीय संसदीयबाहेक अन्य विभाग प्रदेश र स्थानीय तहमा पनि बनाउन सक्ने नियमावलीमा उल्लेख छ ।

प्रदेशले प्रदेशसभा विभाग बनाउन सक्नेछ ।

विभागमा सम्बन्धित पार्टी कमिटीको सदस्य प्रमुख र उपप्रमुख रहनेछन् ।

विभागले सदस्यहरूबाट सचिव निर्वाचित गर्नेछ ।

पलपलमा अपडेट थाहा पाउन तल लाईक गर्नुहोला

यसमा तपाइको प्रतिक्रिया लेख्नुहोला