प्रदेश नं ४मा प्रादेशिक विवि र प्राविधिक महाविद्यालय स्थापना गर्न सुझाव माग्दै

ZEN Travels

काठमाडौँ ।
प्रदेश नं ४ मा प्रादेशिक विश्वविद्यालय र प्राविधिक महाविद्यालय स्थापना गर्न सरोकार भएकाहरु धेरैले आज ती संस्थाका पक्षमा सकारात्मक सुझाव दिएका छन् ।

प्रदेश सरकारको नीति तथा कार्यक्रममा सो विषय आएपछि आज अध्ययन कार्यदलले आयोजना गरेको अन्तक्र्रिया तथा छलफलमा उहाँहरुले विश्वविद्यालय र महाविद्यालय खडा गरी कृषि, पर्यटन, ऊर्जा जस्ता विषयमा उच्चस्तरको अध्ययनअध्यापन गराई रोजगारी पाउनसक्ने जनशक्ति उत्पादन गराउनुपर्ने सुझाव दिनुभयो ।

लगानीका लागि सरकार र निजी क्षेत्रबीच साझेदारी हुनुपर्ने, प्रदेश नं ४ का सबै जिल्लामा जग्गाको खोजी गर्नुपर्ने, विदेशी विद्यार्थी पनि भित्र्याउनुपर्ने, अध्ययनअध्यापनका लागि प्रशस्त उपकरण, नयाँ प्रविधि हुनुपर्ने, पोखरा विश्वविद्यालयलाई नै प्रादेशिक विश्वविद्यालय बनाउन सकिने, कानून संशोधन गरेर त्रिविको क्षेत्राधिकार घटाउनुपर्ने, पुराना संस्थाभन्दा नयाँ संस्था खोल्दा सजिलो हुने, प्रदेश पहिचानका लागि आयुर्वेदिक विवि स्थापना गर्नुपर्ने लगायत सुझाव दिइएको थियो ।

पश्चिमाञ्चल विकास मञ्चका महासचिव धर्मराज बरालले प्रदेश नं ४ र खासगरी विश्वकै ध्यानाकर्षण गर्न उच्च गुणस्तरको अध्ययनअध्यापन गरी पोखरा वा प्रदेश नं ४लाई शैक्षिक केन्द्र बनाउन आह्वान गर्नुभयो । अध्ययन कार्यदलमा डा गणेशमान गुरुङ, टङ्कनाथ शर्मा, विश्वकल्याण पराजुली, गेहेश्वर कोइरालालगायत हुनुहुन्छ । rss

पलपलमा अपडेट थाहा पाउन तल लाईक गर्नुहोला

यसमा तपाइको प्रतिक्रिया लेख्नुहोला