मदिरा निषेध गर्ने निर्णय कार्यान्वयन गर्न महिलाहरुको दवाव ¥याली, उद्योग बाणिज्य संघले ग¥यो बजार बन्द

ZEN Travels

सम्राट सिंह
बझाङ-
बझाङ जिल्लालाई मदिरा निषेधित जिल्ला घोषणा गर्ने जिल्ला सभाको निर्णय तत्काल कार्यान्वयन गर्न जयपृथ्वी नगरपालिकाका महिलाहरुले दवाव ¥याली निकालेका छन ।
मदिराका कारण जिल्लामा हत्या,हिंसा र जगन्य अपराधका घटनामा बृद्घि भएको भन्दै झण्डै एक महिना अगाडि जिल्ला सभाले बझाङलाई मदिरा निषेधित जिल्ला बनाउने निर्णय गरेको थियो ।
यसरी जिल्ला सभाले निर्णय गरेको एक महिना पुग्दा समेत निर्णय कार्यान्वयन नभएपछि तत्काल कार्यान्वयन गर्न जयपृथ्वी नगरपालिका भित्रका महिलाहरु नारा जुलुस सहित बजार परीक्रम गरी दवाव दिएको जयपृथ्वी नगरपालिका घर भएकी बिष्णा नेपालीले बताइन् । मदिराले गर्दा जिल्लामा महिला हिंसा तथा अन्य जगन्य अपराधका घटनामा बृद्घि भएकाले जिल्लामा तत्काल मदिरा निषेध गर्नुपर्ने उनको भनाइ छ ।
जिल्ला सभाले मदिरा निषेध गर्ने निर्णय गरेपछि बझाङ उद्योग बाणिज्य संघले पनि यसको बिरोध गर्दै बिभिन्न आन्दोलनका चरणहरु घोषणा गरेका छन । आन्दोलनका चरणमा आज उद्योग बाणिज्य संघले दिनभर बजार बन्द गरेको छ । व्यापारीहरुको पिर मर्का नहेरी मदिरा व्यापारीहरुले इजाजत पत्र नविकरण गरिसकेपछि जिल्ला सभाले जिल्लामा मदिरा निषेध गर्ने निर्णय गरी व्यापारीको ढाड सेक्ने कामको उद्योग बाणिज्य संघका बझाङका अध्यक्ष दान बहादुर सुर्मेलीले बताए । उनले भने व्यापारीहरुको करोडौ मुल्य बराबरको मदिरा जिल्ला भित्र आइसकेकाले व्यापारीहरु धेरै मर्कामा परेका छन ।
जिल्ला सभाले मदिरा निषेध गर्ने निर्णय गरेपछि उद्योग बाणिज्य संघले पनि न्याय माग्दै पुनरावेदन अदालतमा मुद्घा दायर गरेको छ । बझाङ जिल्लामा झण्डै ४ सय व्यापारीले मदिरा को इजाजत प्राप्त गरी मदिरा व्यापार गरिरहेका छन । पुनरावेदन अदालतको आदेशको प्रतिक्षामा रहेका बेला जिल्लामा मदिरा बिक्री गर्न पाउनु पर्ने माग राख्दै व्यापारीहरुले विभिन्न आन्दोलन गर्ने गरेका छन भने जिल्ला सभाको निर्णय तत्काल कार्यान्वयन गर्न महिलाहरुले दवाव ¥याली गर्ने गरेका छन ।
मदिराले समाजलाई धमिलो पारेको र समाजमा विभिन्न प्रकारका बिकृति पनि मदिराले नै ल्याएको हुँदा सभ्य समाज निर्माण गर्न जिल्ला सभाले बझाङ जिल्लालाई नै मदिरा निषेधित जिल्ला बनाउने स्वागतयोग्य निर्णय गरेकाले यसमा सबैले सहयोग गर्नुपर्ने जयपृथ्वी नगरपालिकाका उपमेयर जुना जाग्रीले बताइन् ।

पलपलमा अपडेट थाहा पाउन तल लाईक गर्नुहोला

यसमा तपाइको प्रतिक्रिया लेख्नुहोला