एभरेस्ट फुटबल क्लब मेड्रिडले चुम्यो एन आर एन कपको उपाधि

ZEN Travels

बार्सिलोना । गैर आवासीय नेपाली संघ स्पेनको आयोजनामा एन आर एन स्पेन कप खुल्ला फुटबल प्रतियोगितामा एन आर एन मेड्रिड ( एभरेस्ट फुटबल क्लब मेड्रिड ) को समुहले उपाधि जितेको छ ।

सचिब दिनेश गिरीको संयोजकत्वमा बार्सिलोनाको एक फुटबल मैदानमा खेलाईएको उक्त प्रतियोगिताका प्रमुख अतिथि गैर आवासीय नेपाली संघ अन्तराष्ट्रिय समन्वय समितिका उपाध्यक्ष कुल आचार्यले उद्घाटन गर्नु भएको हो । जम्मा ८ समुहले भाग लिएको उक्त प्रतियोगिताको फाइनलमा तमु समाज स्पेनलाई १ का बिरुद्द ३ गोल गरेर मेड्रिडले उपाधि चुमेको हो ।

कार्यक्रममा एन आर युरोप संयोजक शिब बरुवाल , स्पेनका आइसीसी सदस्य मुक्त गुरुङ लगायत स्पेनमा रहेका सम्पूर्ण संघ संस्थाहरुका प्रतिनिधिहरुको उपस्थित रहेको थियो ।

संघका महासचिब कृष्ण भुसालले कार्यक्रम उत्कृष्ट र सौहार्दपुर्ण रुपमा सम्पन्न भएको र सम्पूर्ण खेलाडीहरुको उच्च प्रदर्शन रहेको बताउनु भयो । कार्यक्रम पश्चात एन आर एन स्पेनका अध्यक्ष चिन्तामणि सापकोटाले सम्पूर्ण खेलाडीहरुलाई बधाई दिदै यो कार्यक्रम सम्पन्न गर्न सहयोगी भूमिका गर्नु हुने सम्पूर्णलाई धन्यवाद दिदै आगामी दिनहरुमा पनि यस्तै कार्यक्रमहरु गरिने जानकारी दिनुभयो ।

नेपालीहरुको अन्य कार्यक्रम भन्दा उल्लेखनीय उपस्थिति रहेको एन आर एन कपमा रातको ११ बजे सम्म पनि उत्साह र धैर्यताका साथ् नेपाली दाजु भाई तथा दिदीबहिनीहरुले खेलाडीहरुलाई हौसला प्रदान गर्नु भएका थिए ।

पलपलमा अपडेट थाहा पाउन तल लाईक गर्नुहोला

यसमा तपाइको प्रतिक्रिया लेख्नुहोला