अनाथ तथा असहाय बालबालिकाको सहयोगार्थ पोखरामा साँगीतिक कार्यक्रम

ZEN Travels

आगामी बैशाख ७ गते पोखरामा साँगीतिक कार्यक्रम हुने भएको छ । सेभ द चिल्ड्रेन,सेभ द नेसनको आयोजनामा कार्यक्रम आयोजना हुने भएको हो ।

अनाथ तथा असहाय बालबालिकाको सहयोगका लागी उक्त साँगीतिक कार्यक्रमको आयोजना गरिएको कार्यक्रम संयोजक कमल पौडेलले जानकारी दिए ।

कार्यक्रममा राष्ट्रिय तथा स्थानिय कलाकारले आफ्नो प्रस्तुती राख्नेछन् । कार्यक्रममा गायक शिव परियार,मेलिना राई,चोलेन्द्र पौडेल,लोकदोहोरी गायक प्रकाश सपुत,नेपाल आइडलबाट चिनिएकी पोखराकी गायिका निलिमा थापामगर,सन्तोष सुवेदी,सन्तोष बस्याल लगायतले साँगीतिक प्रस्तुति राख्नेछन् । कार्यक्रममा नायक राजेश हमालको पनि उपस्थिती रहनेछ ।

कार्यक्रम दिउँसो १ बजेदेखि साँझ ५ बजेसम्म पोखरा उद्योग वाणिज्य संघको सभाहलमा हुनेछ ।

पलपलमा अपडेट थाहा पाउन तल लाईक गर्नुहोला

यसमा तपाइको प्रतिक्रिया लेख्नुहोला