प्रधानमन्त्री केपी शर्मा ओली पदमुक्त, विश्वासको मत लिन असफल
प्रधानमन्त्री केपी शर्मा ओली प्रतिनिधि सभाबाट विश्वासको मत लिन असफल हुनुभएको छ । प्रतिनिधि सभाको बहुमत सदस्यको विश्वास गुमाएसँगै उहाँको नेतृत्वमा रहेको सरकार गिरेको छ ।
उहाँले पक्षमा जम्मा ९३ मत प्राप्त गर्नुभएकाे छ । प्रस्तावको पक्षमा ९३ मत परेको छ भने विपक्षमा १२४ र १५ जना तटस्थ रहे ।
विश्वासको मत लिने प्रस्ताव संसदबाट बहुमतले अस्वीकृत भएपछि प्रधानमन्त्री ओली स्वतः पदमुक्त भएका हुन् ।
ओलीले संसदबाट विश्वासको मत नपाएसँगै मुलुक नयाँ सरकार निर्माणको बाटोमा लागेको छ । अब संविधानको धारा ७६ अन्तर्गत उपधारा २ अनुसारको सरकार बनाउनुपर्ने माग विपक्षी दलहरुले राखिरहेका छन् ।
तर राष्ट्रपतिले सरकार गठनका लागि कसरी आह्वान गर्नुहुन्छ भन्नेतर्फ सबैको ध्यान गएको छ ।
२७ बैशाख २०७८, सोमबार १२:१५ मा प्रकाशित