गण्डकी प्रदेशका मुख्यमन्त्री पृथ्वीसुब्बा गुरुङले आज विश्वासको मत लिनुहुने
गण्डकी प्रदेशका मुख्यमन्त्री पृथ्वीसुब्बा गुरुङले आज विश्वासको मत लिनुहुने भएको छ । आज मध्यान्ह् १२ बजे बोलाइएको प्रदेशसभा बैठकमा मुख्यमन्त्री गुरुङले विश्वासको मत लिने कार्यतालिका रहेको प्रदेशसभा सचिवालयले जानकारी दिएको छ । कुल ६० जना प्रदेशसभा सदस्य रहेको गण्डकीमा मुख्यमन्त्रीले विश्वासको मत पाउन ३१ जना सांसदको समर्थन आवश्यक पर्छ । मुख्यमन्त्रीले विश्वासको मत लिने निर्णय गरे पनि काँग्रेस, माओवादी केन्द्र लगायतका विपक्षी दलहरूले विश्वासको मत नपुग्नेगरी मोर्चाबन्दीमा छन् । गुरुङले वैशाख २९ गते संसदमा ठूलो दलको नेताको हैसियतमा मुख्यमन्त्रीको शपथ लिनुभएको थियो ।
२७ जेष्ठ २०७८, बिहीबार ०३:४७ मा प्रकाशित