पत्रकार हत्या र संचार माद्याम माथि भएको ज्यादती विरुद्ध सल्यानमा विरोध सभा

सल्यानमा एभिन्यूज टेलिभिजनका पत्रकार सुरेश रकजको हत्या र विभिन्न संचार माद्यामहरुमा भएको आक्रमणको सल्यानमा पनि  शोक तथा बिरोध गरिएको छ  । नेपाल पत्रकार महासंघ सल्यानको आयोजनामा शनिबार सदरमुकाम खलंगामा शोक तथा बिरोध सभा सभा गरिएको  हो ।शुक्रबार राजधानी काठ्माण्डौंको तिनकुनेमा राजावादी र प्रहरी बिच भएको हिंसात्मक झडपका क्रममा घरमा आगजनी गरेर पत्रकार रजकको हत्या र विभिन्न संचार माद्यमहरुमा आक्रमण भएको थियो ।सभामा उपस्थित क्रियाशिल पत्रकारहरुले बिभिन्न उदेश्य प्राप्तिका लागी हुने आन्दोलनहरुमा पत्रकार र संचार माद्यामहरुलाई लाई निशान बनाइनु दुखद भएको बताउदै घटनाको सत्यतथ्य छानविन गरि दोषिलाई कडा कारवाही गर्न र आगामी दिनहरुमा समाचार संकलनको क्रममा पत्रकारहरुलाई सुरक्षाको प्रत्याभूति गराउन सरकार सँग माग गरेका छन ।पत्रकार र संचार माद्यमहरु माथिको आक्रमण जनताको सूसुचित हुने अधिकार र लोकतन्त्र माथिकै आक्रमण भएको उनिहरुले बताए ।अनौपचारिक रुपमा भएको उक्त सभामा नेपाल पत्रकार महासंघ सल्यानका अध्यक्ष डिल्लीराज रावत, पूर्व अध्यक्ष रमेश कुमार गौतम, पूर्व कार्यवाहक अध्यक्ष सनत कुमार शर्मा र प्रेस चौतारी सल्यानका अध्यक्ष भुम प्रकाश भण्डारीले सम्बोधन गरेका थिए ।सभालाई नेपाल पत्रकार महासंघ सल्यानका सहसचिब खेमराज स्वर्णिकारले सहजिकरण गरेको थिए भने जिल्ला स्थित क्रियाशिल पत्रकार, नागरिक समाजका प्रतिनिधि र स्थानियको सहभागिता रहेको थियो