वनस्पति दिवसको अवसरमा सिद्धार्थ सामुदायिक वनका अध्यक्ष बुढा सम्मानित

वनस्पति दिवसको अवसरमा यस वर्षको “जैविक विविधता सचेतना तथा संरक्षण सम्मान”बाट कपुरकोट–६, जलवाङका दल बहादुर बुढा मगर सम्मानित हुनुभएको छ । कुनै संस्थामा आबद्ध भएर कति समर्पित भएर काम गर्नुपर्छ भन्ने कुरा उदाहरण दिदै उहाँलाई सम्मानित गरिएको हो । सिद्धार्थ सामुदायिक वन उपभोक्ता समितिको अध्यक्षका रूपमा उहाँले निर्वाह गर्नुभएको भूमिका उदाहरणीय रुपमा लिदै सम्मान गरिएको वनस्पति अनुसन्धान केन्द्रले जनाएको छ । उहाँले सामुदायिक वनमा जैविक विविधताको संरक्षण गरेको, जडिबुटि खेतिमा बिशेष प्राथामिकता दिएको, डढेलो नियन्त्रणमा सक्रिय भूमिका खलेको भन्दै कदर पत्र र दोसल्ला ओढाएर सम्मान गरिएको हो ।
वनस्पति अनुसन्धान केन्द्र, सल्यानले विगत चार वर्षदेखि प्रदान गर्दै आएको यस सम्मानबाट हालसम्म सल्यानमा कार्यरत तीन जना पत्रकार—शंकर के.सी., सरिता चलाउने र खकेन्द्र के.सी र एक जना संरक्षणकर्मी दल बहादुर बुढा सम्मानित भइसक्नु भएको छ ।