सल्यानका १९ वटै परीक्षा केन्द्रबाट (एसइई)का उत्तर पुस्तिका जाँच सुरु

सल्यानका १९ वटै परीक्षा केन्द्रबाट माध्यमिक शिक्षा परीक्षा (एसइई) का उत्तर पुस्तिका जाँच तथा परीक्षण कार्य सुरु गरिएको छ । छिटो र व्यवस्थित रूपमा नतिजा प्रकाशन गर्ने उद्देश्यले सरकारले परीक्षा केन्द्रमै उत्तर पुस्तिका परीक्षण गर्न निर्देशन दिएको थियो । सोही निर्देशनअनुसार जिल्लाभर उत्तर पुस्तिका परीक्षण कार्य अघि बढाइएको शिक्षा विकास तथा समन्वय इकाई सल्यानले जनाएको छ । सम्पन्नको भएको केही बेरमै सुरक्षाकर्मी र सिसि क्यामेराको निगरानीमा सल्यानमा उत्तर पुस्तिका जाँच तथा परिक्षण सुरु गरिएको इकाई प्रमुख शेरबहादुर रोकाले जानकारी दिनुभयो । सुरुमा सबै केन्द्राध्यक्ष अलमलमा परेकोमा बिषयगत शिक्षकको ब्यवस्था भएपछि अहिले उत्तर पुस्तिका जाँच गर्न सहज भएको उहाँको भनाई छ ।

प्रत्येक उत्तर पुस्तिका तीन दिनभित्र परीक्षण सम्पन्न गर्ने गरी व्यवस्था मिलाइएको प्रमुख जिल्ला अधिकारी महेन्द्रकुमार सापकोटाले जानकारी दनुभयो । उत्तर पुस्तिका परीक्षणका लागि फरक–फरक विद्यालयका विषयगत शिक्षक परिचालन गरिएको जानकारी दिनुभयो । यस्तै एक जना कैदीले कारागार बाटै परिक्षा दिएका छन । यस्तै एक जना क्रियापुत्रीले पनि परिक्षा दिएका छन । बागचौर नगरपालिकाको बालकन्या माबि कोटबारा केन्द्र विपिन विकले एसईई परिक्षा दिएका हुन ।